Main Menu

મોટા આંકડીયા લુણીધાર માર્ગ નવો બનાવવા CMને રજુઆત

તળાવ ઉંડા ઉતારવા, વીજ જોડાણ અંગે પત્ર પાઠવાયો

અમરેલીતાલુકાના મોટા આંકડીયાથી લુણીધાર માર્ગ નવો બનાવવા તેમજ તળાવ ઉંડા ઉતારવા અને ખેડૂતોને માંગે ત્યારે વિજ જોડાણ આપવા સહિતના પ્રશ્નો અંગે અહીના લોક સેવક દ્વારા મુખ્યમંત્રીને સમસ્યાનુ માંગ પત્ર પાઠવી રજુઆત કરવામા આવી છે.

મોટા આંકડીયાના લોક સેવક લાલભાઇ બોદર દ્વારા મુખ્યમંત્રીને પાઠવવામા આવેલ સમસ્યાના માંગ પત્રમા જણાવાયું હતુ કે મોટા આંકડીયાથી લુણીધાર માર્ગ બિસ્માર બની ગયો છે તેને નવો બનાવવાની ખાસ જરૂર છે. ઉપરાંત અમરેલીથી ગોંડલ વાયા મોટા આંકડીયા માર્ગ પહોળો બનાવવા અને સાઇડ કટીંગ કરવાની માંગણી કરવામા આવી છે. ઉપરાંત મોટા આંકડીયા ગામનુ તળાવ ઉંડુ ઉતારવા માટે ખાસ પેકેજ જાહેર કરવુ જેથી પાણીની સમસ્યા હળવી બની શકે અને અંદરની માટી ખેડૂતોને વિનામુલ્યે મળે તેવી વ્યવસ્થા કરવા રજુઆત કરી હતી. ઉપરાંત પીપળલગ તરફના ખારામાથી માટી ઉપાડીને ત્યાં પાણી સંગ્રહ થાય તેવુ તળાવનુ નિર્માણ કરવુ જેથી બે હજાર હેકટર જમીનને પીયતનો સીધો લાભ મળી શકે. ઉપરાંત ખેડૂતોને માંગે ત્યારે વિજ જોડાણ આપવા માંગણી કરવામાં આવી છે. અને વહેલી તકે ઉકેલ લાવવા રજુઆત કરી છે.