Main Menu

બગસરા : જેતપુર બાયપાસ માર્ગ પર લકઝરી બસ, ટ્રેકટર અને બાઈકનો ત્રિપલ અકસ્‍માત

bagasara-axident_1બગસરા, તા. ર8
બગસરા, જેતપુર બાયપાસ રોડ પર આજે સાંજના એક લકઝરી બસે બાઈક તેમજ ટ્રેકટરને અડફેટે લેતા બે વ્‍યકિતને ગંભીર ઈજા પણ થતા પ્રાથમિક સારવાર માટે બગસરા ખસેડવામાં આવેલ.
વિગત અનુસાર સાંજના પાંચ કલાક આસપાસ વિસાવદરથી અમરેલી તરફ પુરપાટ ઝડપે લકઝરી બસ આવી રહી હતી. ત્‍યારે સામેથી આવી રહેલા બાઈક ચાલકને બચાવવા જતા ડ્રાયવરે સ્‍ટીયરીંગ પરનો કાબુ ગુમાવી દેતા બસ રોડની સાઈડમાં ખેતરમાં ઉભેલા ટ્રેકટર પર ફંગોળાઈ હતી. જેના લીધે ટ્રેકટરનો બુકડો બોલી ગયો હતો. જયારે બાઈક ચાલક પણ હેબતાઈ જતા સ્‍લીપ થઈ જવાથી ચાલકના માંથામાં ગંભીર ઈજા થઈ હતી.
સદનસીબે બસમાં ડ્રાયવર સિવાઈ એક પણ પેસેન્‍જર (મુસાફર) ન હોવાથી મોટી દુર્ઘટના ટળી હતી.
ઘટનાની જાણ થતાઆસપાસના લોકો દોડી આવેલ અને ઈજાગ્રસ્‍ત ભીખુભાઈ મનજીભાઈ રાઠોડ (ઉ.વ.પ3) રહેવાસી જીનપરા બગસરા જેમને માંથામાં ગંભીર ઈજા થઈ હતી. તેમજ બસનાં ચાલક અનવર હુશૈનમીર (ઉ.વ.4પ) રહે.સા.કુંડલાને પણ સામાન્‍ય ઈજા થતા બગસરા પ્રાથમિક સારવાર માટે ખસેડવામાં આવેલ.

Source: Amreli Express