Main Menu

અમરેલીમાં પ્રધાનમંત્રી નરેન્‍દ્ર મોદીનાં નોટ બંધીનાં નિર્ણયને ઉત્‍સાહભેર આવકારવામાં આવ્‍યો

dilip-sanghniઅમરેલી, તા.ર8
તાજેતરમાં આતંકવાદ, નકલી ચલણી નોટ અને કાળાબજારી અને બ્‍લેક મનીને નાથવા માટે ભારત સરકાર દ્વારા રૂા. પ00 તથા રૂા. 1 હજારની નોટબંધીનાં નિર્ણયને આવકારવા માટે ભારતીય જન પરિષદનાં નેજા નીચે એક કાર્યક્રમનું આયોજન પૂર્વ મંત્રી દિલીપભાઈ સંઘાણીનાંઅઘ્‍યક્ષ સ્‍થાને યોજવામાં આવ્‍યો હતો.
આ પ્રસંગે દિલીપભાઈ સંઘાણી દ્વારા નરેન્‍દ્ર મોદીએ રૂા. પ00, રૂા. 1000 નોટબંધીનાં નિર્ણયના વખાણ કર્યા હતા. આ નોટબંધીનાં કારણે ગરીબોનો ઉઘ્‍ધાર અને આંતકવાદને નાથવામાં ખૂબ જ મોટી સફળતા મળશે તેમ જણાવ્‍યું હતું.
આપણા દેશમાં કેટલાંક પડોશી દેશો નકલી ચલણી નાણું ઘુસાડી અને આપણા અર્થતંત્રને વેરવિખેર કરવાના સપના જોવે છે. ત્‍યારે નોટબંધીના કારણે આવા પડોશી દેશોની મેલી મુરાદ પૂરી થઈ શકે તેમ નથી.
અગાઉના જમાનામાં વિનિમય પ્રથા હતી અને લોકો વસ્‍તુના બદલામાં વસ્‍તુ અને કામ લેતા હતા અને ત્‍યારે પણ આવી રીતે કેશ-લેશ વહીવટ ચલતો હતો. તેવા કેશ-લેશ વહીવટ ફરી શરૂ થવા પામ્‍યો છે.
આ તકે આજના ભારત અને ગુજરાત બંધના એલાનને નિષ્‍ફળ બનાવવા બદલ વેપારીઓ સહિતનાં લોકોનો દુકાને-દુકાને ફરી આભાર વ્‍યકત કર્યો હતો.
આ કાર્યક્રમમાં દિલીપભાઈ સંઘાણી, જિલ્‍લા ભાજપના પૂર્વ પ્રમુખ શરદભાઈ લાખાણી, જિલ્‍લા યુવા ભાજપના પ્રમુખ ભગીરથભાઈ ત્રિવેદી, દિનેશભાઈ પોપટ, કૌશિક વેકરીયા, ભાવનાબેન ગોંડલીયા, ભાસ્‍કરભાઈ શુકલ, શૈલેષ પરમાર, તુષારભાઈ જોષી સહિત અનેક આગેવાનો ઉપસ્‍થિત રહયા હતા.

Source: Amreli Express