Main Menu

આંબરડીમાં ઓપરેશન મોદી માઈન્‍ડ આશ્ચર્યજનક કાર્યક્રમ યોજાયો

oparetion-modi-2સાવરકુંડલા, તા. ર8
દેશભરમાં નોટબંધીની વ્‍યાપક અસર થઈ છે ત્‍યારે ખેડૂતોમાં વડાપ્રધાન નરેન્‍દ્ર મોદી પ્રત્‍યે રોષ વધુ પડતો ગ્રામ્‍ય વિસ્‍તારોમાં જોવા મળી રહૃાો છે. સાવરકુંડલા તાલુકાના આંબરડી ગામે ખેડૂતોએ નોટબંધીના વિરોધ અંગે નવતર પ્રયોગ આદરીને ખેડૂતોની વ્‍યથાઓ વર્ણવવાનો પ્રયાસ કર્યો હતો અને નાટક રૂપીઓપરેશન મોદીના મગજનું ઓપરેશન કરીને કેન્‍દ્રની મોદી સરકાર સામે અનોખો વિરોધ નોંધાવ્‍યો હતો.
સાવરકુંડલા તાલુકાના આંબરડી ગામના ખેડૂતોએ નોટબંધીને લઈને પારાવાર પરેશાનીથી કંટાળીને આખું ગામ એક જગ્‍યાએ એકત્રીત થઈને ખેડૂત આગેવાન દિપકભાઈ માલાણીની આગેવાનીમાં નાટકરૂપી કાર્યક્રમ કરવામાં આવ્‍યો. આ કાર્યક્રમનું નામ આપવામાં આવ્‍યું ઓપરેશન મોદી માઈન્‍ડ.
આંબરડીના ખેડૂત અગ્રણી દિપક માલાણીએ આંબરડી ગામના પશુ દવાખાના પર વિશાલ સંખ્‍યામાં ઉપસ્‍થિત ખેડૂતો સામે મોદી માસ્‍ક પહેરેલ કલાકાર રજુ કર્યો અને જુની પ00 અને 1000ની ચલણી નોટોની નોટબંધીનું નાટક રજુ કર્યુ. ત્‍યારે ખેડૂતોએ નોટબંધી ન કરવા હોહા દેકારો કર્યો અને ડોકટરની ટીમે મોદી માસ્‍ક પહેરેલ યુવકને ઉપાડીને લઈ ગયા ઓપરેશન થિયેટરમાં અને ત્‍યાં સર્જીકલ સ્‍પેશિયાલીસ્‍ટ ડોકટર દિપકભાઈ માલાણી અને સ્‍ટાફ ઘ્‍વારા શરૂ થયું ઓપરેશન મોદી માઈન્‍ડ.
સર્જીકલ ઓપરેશનમાં મોદી માઈન્‍ડમાં માસ્‍ક પહેરેલ યુવકના મગજમાંથી કૃષિક્ષેત્રને સાવ નાશ પામતા અમલવારી ભર્યા નોટબંધીના નિર્ણયોના કીડા કાઢવામાં આવ્‍યા હતા અને જાણે આબેહુબ નાટકથી ઉપસ્‍થિત વિશાળ જનમેદની પણ અચંબિત થઈ ઉઠી હતી.
અત્‍યાર સુધી કોંગ્રેસ સહિતના વિપક્ષો નોટબંધીના નિર્ણય સામે અવાજ ઉઠાવી રહૃાાછે. ત્‍યારે અમરેલી જીલ્‍લાનાં આંબરડીના ખેડૂતોએ ઓપરેશન મોદી માઈન્‍ડનું નાટક લોકો સમક્ષ રજુ કરીને નવતર પ્રકારનો વિરોધ નોંધાવતા રાજકીય લોકો પણ આશ્ચર્યચકિત થઈ ગયા હતા.

Source: Amreli Express