Main Menu

બાબરાનાં લુણકી ગામનાં સરપંચને જિલ્‍લા વિકાસ અધિકારીએ હોદ્‌ા પરથી ફરજમોકુફ કર્યા

બાબરા, તા. ર9

આમ તો ગામનાં સરપંચે ગામનો વિકાસ કરવાનો હોય છે. પરંતુ અમુક સરપંચ ગામનાં વિનાશ ભલે થાય પરંતુ પોતાનો વિકાસ થાય તેવું માનીને ઘરની ધોરાજી ચલાવીને વહીવટ કરતાં હોય છે. ત્‍યારે જિલ્‍લા વિકાસ અધિકારી આવા સરપંચને હોદા પરથી દુર કરીને સરપંચને તેની હેસિયત બતાવતાં હોય છે. અને આવી એક ઘટના બાબરાનાં લુણકી ગામે બની છે.

લુણકી ગામના સરપંચ ગોરધનભાઈ દેવશીભાઈ કુંભાણી પોતાની માતા સમજુબેન ઘ્‍વારા સાર્વજનિક માર્ગ પર દબાણ કર્યુ હોય જે દબાણ દુર કરવા બાબતે ઉચ્‍ચ અધિકારીઓએ અનેક વખત સરપંચને જાણ કરી છતાંપણ સરપંચ દબાણ હટાવવાને બદલે ઉચ્‍ચ અધિકારીઓને અવળે માર્ગે ચડાવતી દલીલો કરતાં હોય અંતે જિલ્‍લા વિકાસ અધિકારીએ ગુજરાત પંચાયત અધિનિયમ 1993ની કલમ પ7(1) અન્‍વયે સરપંચનાં હોદા પરથી હાંકી કાઢતા ભ્રષ્‍ટાચારી સરપંચોમાં ફફડાટ ફેલાયો છે.