Main Menu

બગસરામાં ડહોળા પાણીને લઈને શહેરીજનોમાં નારાજગીનો માહોલ

બગસરા, તા.ર3
બગસરામાં છેલ્‍લા ર0 દિવસથી ડહોળુ અને પ્રદૂષિત પાણી વિતરણથી લોકો ત્રાહિમામ પોકારી ગયા છે. દર્દીઓ ઉભરાય રહયા છે તેમ છતાં નિંભર તંત્ર દ્વારા કોઈ કાર્યવાહી ન થતાં લોક રોષ ભભૂકી  ઉઠયો છે.
વિગત અનુસાર બગસરા નગરપાલિકા દ્વારા ડહોળુ અને પ્રદૂષિત પાણી વિતરણ કરી 40 હજાર કરતાં વધારે લોકોના આરોગ્‍ય સાથે ચેડા થઈ રહયા છે. પીવા લાયક પાણી ન હોવાથી ગૃહિણીઓ ત્રાહિમામ પોકારી ગઈ છે. અરે પીવાનું તો એક બાજુ રહયું કપડા ધોવા માટે પણ યોગ્‍ય ન હોવાનું ચર્ચાઈ રહયું છે.
આ પ્રદૂષિત પાણી ફટકડી કે ગાળવાથી પણ શુઘ્‍ધ થતું ન હોય પાણીના અન્‍ય સ્‍ત્રોત ન હોય લોકોને ના છુટકે પીવા માટે ઉપયોગ કરવો પડે છે. જેના લીધે શહેરભરમાં ડાયેરીયા જેવા રોગચાળાએ માજા મૂકી છે. દવાખાનાઓમાં દર્દીઓની કતારો જોવા મળી રહી છે. તેમ છતાં પાલિકાના સતાધીશોની આંખ ઉઘડતી નથી.
ડહોળા પાણી મળવા અંગે તંત્રને પૂછતા જણાવેલ કે મહી પરિએજ યોજના હેઠળ આવતું પાણી ઉપરથી જડહોળુ આવે છે. જયારે નળ દ્વારા મળતું પાણી જોતા મેઈન પાઈપ લાઈન લીકેજના લીધે ગટરનું પાણી ભળી જતું હોવાનું ચર્ચાઈ રહયું છે. સત્‍ય જે હોય તે પરંતુ તાકીદે આ ડહોળા પાણીનો પ્રશ્‍ન હલ થાય તેવું લોકો ઈચ્‍છી       રહયા છે. ડહોળા પાણી સમયે જ યાદ આવતો ફીલ્‍ટર પ્‍લાન્‍ટ અંગે પક્ષા-પક્ષી ભૂલી સરકારમાં રજૂઆત કરવામાં આવે તો આવનારા દિવસોમાં લોકોને શુઘ્‍ધ પીવાનું પાણી મળી રહે તેમ છે. પરંતુ શું રાજકીય આગેવાનો અંગત સ્‍વાર્થમાંથી ઉંચા આવશે કે નહીં તે તો સમય જ કહેશે.