Main Menu

અચ્‍છે દિન : અમરેલી જિલ્‍લા બેંકના ગ્રાહકો માટે ડેબીટ કાર્ડ ઈશ્‍યુ કરવામાં આવ્‍યા

અમરેલી, તા. ર3

અમરેલી જિલ્‍લા સહકારી બેંક લી. દ્વારા તેમના ગ્રાહકોની સુવિધા રૂપે ડેબીટકાર્ડ ઈશ્‍યુ કરવામાં આવી રહેલ છે. બેંકના ગ્રાહકની વધુ સુવિધા અર્થે બેંક દ્વારા અમરેલી મુકામે હેડઓફિસમાં એ.ટી.એમ. સુવિધા પણ શરૂ કરવામાં આવેલ છે. આજરોજ બેંકના અમરેલી ખાતેના એ.ટી.એમ.માં કાર્યરત ભારતની તમામ બેંકોના વિઝા, માસ્‍ટર, અને રૂપે ડેબીટ કાર્ડ દ્વારા પણ નાણાકીય ઉપાડ કરી શકાય તેવી સુવિધાનું ઉદઘાટન બેંકના ચેરમેન દિલીપભાઈ સંઘાણી દ્વારા કરવામા આવેલ છે.

આ પ્રસંગે બેંકના મેનેજીંગ ડીરેકટર ચંદુભાઈ સંઘાણી,અમરેલી જિલ્‍લા ખરીદ વેંચાણ સંઘના ચેરમેન શરદભાઈ લાખાણી, બેંકના ડીરેકટર ભાવનાબેન ગોડલીયા તથા જિલ્‍લા દુધ સંઘના ડીરેકટર નરેન્‍દ્રભાઈ પરવાડીયા, તુષારભાઈ જોષી, બેંકના કોમ્‍પ્‍યુટર સેકશન મેનેજર ડી.સી.ધાનાણી, નિતીનભાઈ વઘાસીયા, મનિષભાઈ સુખડીયા, તથા પ્રજ્ઞેશભાઈ ગોંડલીયા ઉપસ્‍થિત રહેલ હતા.

અમરેલી જિલ્‍લા મઘ્‍યસ્‍થ સહકારી બેંક લી.ના અમરેલી મુકામેના એ.ટી.એમ.માં ભારતની તમામ બેંકના કાર્ડ જેવા કે વિઝા, માસ્‍ટર અને રૂપે ડેબીટ કાર્ડ દ્વારા રોકડ ઉપાડની સુવિધા શરૂ કરવામાં આવેલ છે. તો આ સુવિધાનો લાભ તમામ નાગરીકોને લેવા બેંકના જનરલ મેનેજર (સી.ઈ.ઓ.) બી.એસ.કોઠીયા યાદી જણાવે છે. બેંકનું આ એ.ટી.એમ. ર4 કલાક કાર્યરત રહેશે.