Main Menu

સાવરકુંડલામાં પવનચક્કી પ્રશ્‍ને ઉપવાસ કરી આંદોલનકારીની તબિયત લથડી રહેલ

સાવરકુંડલા તાલુકાના 10 જેટલા ગ્રામ્‍ય વિસ્‍તારમાં ગેરકાયેદસર બની રહેલ 34 જેટલી પવનચક્કીઓનું નિર્માણ અટકાવવા આમરણાંત ઉપવાસ ઉપર બેઠેલા જુનાગઢના યુવાન દિલીપ ગલની આજે ત્રીજો દિવસે તબિયત લથડી છે. જો કે તંત્ર તરફથી હુફ કે સહકાર મળવાને બદલે અમરેલી કલેકટરે આજે મુદામ માણસ મોકલી ઉપવાસછોડી દેવા સૂચના આપી હતી. અન્‍યથા મૃત્‍યુ બાતે સરકારી તંત્રની કોઈ જવાબદારી રહેશે નહી. તેમ લેખિત આપી ઉચા હાથ કરી દીધા હોવાનું જાણવા મળે છે. ત્‍યારે આમરણાંત ઉપવાસી દિલીપ ગલે પણ આજે ફેકસ દ્વારા પત્ર પાઠવી ઘટનાની ન્‍યાયીક તપાસની માંગણી કરી છે. અને લોકશાહીમાં આ વર્તનને અયોગ્‍ય ગણાવ્‍યું હતું. તેમજ ન્‍યાયતંત્ર ઉપર ભરોસો રાખી આંદોલન ચાલુ રહેશે તેમ જણાવ્‍યું છે.
ત્‍યારે આ આંદોલનનો તાત્‍કાલીક નિર્ણય નહી લેવાયો હોવાનું જણાવતા દિલીપ ગલ કહે છે કે મે અગાઉ કલેકટર કચેરી અને મુખ્‍યમંત્રીને પત્ર દ્વારા જાણ કરેલ છે. ઉપરાંત સાવરકુંડલા વન વિભાગે પણ આ ગેરકાયદેસર બની રહેલ વિન્‍ડફાર્મ કામગીરી અટકાવવા બબ્‍બે નોટીસો પણ આપેલ હતી. ત્‍યારે સફાળુ જાગેલ કલેકટર કચેરી તંત્ર કામગીરી બંધ કરાવવાના બદલે આમરણાંત ઉપસાવીને પત્ર લખી લોકશાહીની વિરોધપ્રથાને ડીર્સ્‍ટબ કરી રહયા હોવાનું જાણવા મળે છે. ત્‍યારે આજે સાંજે વન વિભાગે પણ આમરણાંત ઉપવાસીને છાવણી ખાલી કરવા સુચના આપી હોવાની માહિતી મળે છે. પર્યાવરણ અને વન્‍યપ્રાણી – પક્ષીઓને બચાવવા મેદાને જંગ ખેલનારની હવે પોતાની આ વ્‍યથાને કોણ દુર કરશે ?